Cebu City – Mag Pasko nga way panimalay nga kapuy-an ang pipila ka mga pamilya sa Brgy. Casuntingan Syudad sa Mandaue.
Kini gumikan sa sunog nga misugat kanila ala una sa kadlawon, Disyembre 25, 2020, nga mi-ugdaw sa gibana-banang lima ka panimalay nga gama sa light materials.
Si Mandaue City Mayor Jonas Cortes, imbes nga mosaulog sa Pasko uban sa iyang pamilya, personal kini nga mi adto sa mga nasunugan.
Nakighinabi si Cortes sa mga biktima sa sunog ug gipasalig niini ang tabang gikan sa Syudad.
Gipasalamatan sa mayor ang mga sakop sa City Disaster Risk Reduction Management Office ug ang Mandaue City Bureau of Fire Protection sa ilang dinalian nga pagtubag sa nahitabong sunog. (Jhon Tadlip/JTY)
(Source & photo courtesy of Mandaue City Public Information Office)