General Santos: Bag-ong DA 12 Regional Director, hingpit nang milingkod sa katungdanan

General Santos City – Hingpit nang milingkod ang bag-ong Regional Director sa Department of Agriculture-12 nga si Regional Executive Director Roberto Perales nga taga GenSan.

Nasayran nga bag-uhay lang gihimo ang turnover ceremony sa buhatan mismo sa DA-12 sa Koronadal City.

Gihulipan ni Perales si kanhing OIC Regional Executive Director John Pascual, kansa gituboy usab isip OIC-Regional Technical Director for Operations sa ahensya.

Dungan sa paglingkod ni Perales sa katungdanan, iyang gisaad ang pagpatuman ug mga programa nga makatabang sa pagpalambo sa sektor sa agrikultura. (Giovanni Pasco)