Pito ka indibidwal an boluntaryong gisurender an pito isab ka armas ngadto na sa mga lokal Police Station.
Giila ni PCOL. Laudemer M. Luaude an mga suspek isa ka 43-anyos na mag-uuma na taga Burgos; ug isa ka 36 anyos na panday na taga Sta. Monica; 44-anyos nga mag-uuma na taga Tubod; isa ka 31-anyos na welder gikan sa San Francisco; isa ka 55-anyos na Barangay Kagawad na taga Placer; isa ka 25-anyos na drayber na taga Sison; ug isa ka 42-anyos na mag-uuma gikan sa Malimono, puros taga Surigao del Norte.
Atol sa isa ka adlaw na dungan na kampanya batok sa loose firearms, nadawat ug natala sa mga awtoridad sa kapolisan sa tagsa-tagsa ka estasyon an pagsurender sa pito ka armas gikan sa mga residente sa Surigao del Norte.
An mga ni-surrender na armas naglakip sa upat ka unit sa improvised shotguns na walay serial number, iban an isa ka magazine. Dugang pa, jaoy isa ka unit sa kalibre 38 na revolver na walay serial number ug mga bala.
An laing butang amo an isa ka unit sa Silver Remington Rand INC (Syracuse N.Y. U.S.A) Caliber 45 Pistol, na walay magazine ug mga bala. Sa kataposan, isa isab ka unit sa hand grenade an gi-surrender.
An mga ni-surrender na armas jaon kuman sa kustodiya sa tagsa-tagsa ka local municipal police stations alang sa tukmang disposasyon.
(Mark James Lisondra, photo courtesy by PPO SDN)