Mag atubang sa kasong paglapas sa Article 2, Sec. 5 ug Sec. 11 sa RA No. 9165 kon Comprehensive Dangerous Drugs Act of 2002 an construction human nadakpan sa gikasa na drug buy-bust operation pinaagi sa mga personahe sa Drug Enforcement Unit sa City PNP kaiban an mga personahe sa PDEA ug Regional Drug Enforcement Unit 13.
Nadakpan an suspek jadton adlaw’ng Sabado, petsa 2, buyan sa Marso, tuig 2024 sa may Kaimo St., Brgy. Washington, Surigao City.
Nakilay.an an suspek nga si Dave Bayron, 25 anyos, kasamtangan nag huya sa nahisgutang lugar ug lumad na taga Purok-2 Brgy. Siana, Mainit, SDN.
Nakompiskar sa posisyon sa suspek an isa (1) ka gamay na plastic sachet sa gituohang shabu na napalit sa poseur-buyer gikan sa suspek na jaoy gibana-banang gibug-aton na kapin o kulang .15 gram sa kantidad(₱ 1,020.00); napuyo (10) ka gagmay na plastic sachet sa gituohang shabu na jaoy gibana-bana na gibug-aton na kapin o kulang 1.65 grams sa kantidad (Php 11, 220.00); one Thousand Peso Bill (₱ 1,000.00) marked money, isa (1) Vivo smart phone, wallet ug cash money na nagkantidad ug Php310. 00 sa lain-laing denominasyon.
Atol sa pagkasikop gibasahan an suspek sa ija Constitutional Rights ubos sa Miranda Doctrine sanan Anti-Torture Law ug jaon kuman sa kustodiya sa Surigao City Police Station.
(Mark James Lisondra, photo courtesy by PPO SDN)