Sa boto nga 9 ang pabor, isa ang supak, nakalusot ang ordinansa nga gi-file ni City Councilor Danilo Menor nga maghatag ug frankisa sa pagpamasahero ngadto sa 103 ka bag-ong mga units sa tricycle sa syudad.
Sumala pa ni Menor nga girekomendar sa City Tricycle and Trisikad Franchising Committee ang pag-uyon nga dugangan nan bag-ong mga frankisa sa operasyon sa tricycle.
Apan gisupak kini ni City Councilor Noel Christian Toti Catre Jr. sa katarungan nga nanobra na ang tricycle nga nag-operate sa Surigao City.
Human sa objection ni Catre, gipaagi sa pagbotohay sa konseho sa pag-preside ni Vice Mayor Ernesto “Nitoy” Matugas. Ang mga mipabor mao sila si Kagawad Cacel Azarcon, Sebastian Ric Nagas, Danilo Menor (proponent sa ordinance), Emilio Joshua Geli, Jose Expeditus Jex Bayana, Joseph Joey Yuipco, Mario Gesta, Rico Nagas (LnMB President) ug SK President Marah Adtoon. Waya makatambong sa session niadtong Martes si City Councilor Fernando Lolong Larong.
Sa dugang 103 ka bag-ong frankisa, moabot na sa 3,500 an mga tricycles nga namasada sa syudad nan Surigao.