Laing mga island barangays na isab an gi-bisitahan ni City Mayor Estong Matugas kaiban na nila ni Konsehal Joshua Geli sanan Konsehal Mario Gesta didto na sa Barangays Libuac, Buenavista sanan Alang-Alang.
Personal mismo nga gipantunol ngadto na sa tanang pamilya nan mga nasampit na barangay ang mga hinabang susama na sa food packs, drinking water, vitamins, partition tents, sanan trapal isip temporary nga mamahimong atop sa mga panimayay human na tag kuso-kuso nan Bagyong Odette.
Sa ilang kabahin daku an kalipay sa mga Surigaonon ilabina an mga residente nan amo na mga barangay ilabina nga ila mismo nakita sanan nahimamat an mga opisyales sa syudad pinangunahan na ni Mayor Estong Matugas na nagpakabana sanan nagdaya nan mga nag unang gi kinahanglanon.
Samtang mapasalamaton isab an gobyerno sa dakbayan ngadto na sa mga nagdonar sa maong mga hinabang gikan sa De Lasalle Philippines pinaagi na ni Ms. Lani Matugas, sa City Government of Manila pinaagi na ky Mayor Isko Moreno sanan sa Manila CDRRMO, Money Mall Rural Bank sanan sa LLMRC Family Riders.
(Source: Surigao City PIO Facebook page)