Wednesday, July 17, 2024

Surigao: Engr. Paul Dumlao sanan mga kaalyadong kandidato negative sa drug test

- Advertisement -

Nag-negative sa drug test si Engr. Pablo Yves “Paul” Dumlao, kandidato pagka-Mayor sa Surigao City sa Nacionalista Party uban ang iyang mga kaalyadong kandidato sa gipahigayong drug testing kuman hapon sa Caraga Regional Hospital Drug Testing Laboratory.

Visit RPN DXKS Surigao

Nagpa-drug test kuman hapon ang mga kandidato sa Batang Surigaonon na tagpanguyohan ni Dumlao agi’g pagpakita sa publiko nga andam silang moserbisyo sa katawhan nga wayay ni bisan isa sa ilang kalinya an mogamit sa illegal na druga.

Ang mga nag-negative sa drug test nga mga kaibanan amo sila si City Councilors Noel Christian Toti Catre sanan Leonilo Aldonza, kanhi Konsehal Rise Faith Recabo sanan Perfecto Consigo, Kapitan Christopher Bonite, Kapitan Marietta Boquilon sanan Kapitan Florenillo Ravelo ingon man si Karl Duane Casurra.

Waya makaiban sa drug test kainang hapon sila si Atty. Alfonso Casurra, kandidato pagka Bise Mayor sanan si Atty. Jose Begil tungod kay nag-atendir nan mga court hearings. Samtang ang laing kandidato na si kanhi Konsehal Baltazar Abian atua sa biyahe sa dakbayan sa Butuan. (Janrelh Edera, Ronda 22 RPN DXKS Surigao)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -