Gisusi sa PRO9 Audit Team ug Regional Advisory Group for Police Transformation and Development (RAGPTD) 9 ang epekto sa mga inisyatiba sa police transformation nga gipatuman sa Katipunan Municipal Police Station (MPS).
Gipahigayon ang Institutionalization Evaluation Process (IEP) Impact Validation sa Katipunan Municipal Hall Conference Room, Barangay Uno, Katipunan, Zamboanga del Norte, diin gisusi ang pagpatuman ug epekto sa mga police transformation initiatives sa estasyon.
Gipangulohan ni PLTCOL Hazel A. Fernandez, Assistant Chief sa RPSMU 9, ang PRO9 Audit Team uban sa mga miyembro sa RAGPTD 9 sa maong validation.
Apil sa kalihokan ang Katipunan MPS pinaagi sa ilang Municipal Advisory Group for Police Transformation and Development (MAGPTD), nga padayong nakigtambayayong sa estasyon aron mapalig-on ang mga reporma ug inisyatiba alang sa mas maayong serbisyo publiko.
Kabahin sa tumong sa validation ang pagsuta kung unsa ka epektibo ug na-institutionalize ang mga police transformation efforts sa estasyon, lakip ang ilang kontribusyon sa paghatag og mas episyente, responsive ug dekalidad nga serbisyo ngadto sa komunidad.
Pinaagi sa maong proseso, padayong gipalig-on sa Katipunan MPS ang mga programa ug pamaagi nga nagtumong sa pagpauswag sa performance sa estasyon ug pagsiguro nga ang serbisyo sa kapulisan mas duol ug mas makatubag sa panginahanglan sa katawhan.(IKEN B. GULLEM)
Source: Katipunan Municipal Police Station ZNPPO