Thursday, June 20, 2024

Surigao: Duha Ka Mga Dagkong Proyekto Sa Isla Sa Siargao Gitakdang Paga Inagurahan

- Advertisement -

Gitakdang paga inagurahan ang duha ka mga dagkong proyekto sa Isla sa Siargao nga Mao ang Siargao Island Sports and Tourism Complex sa lungsod Nan Dapa ug ang Catangnan-Cabitoonan Bridge ug duha ka tulay sa Libertad sa lungsod nan General Luna.

Ang maong programa paga himoon sa Siargao Island Sports and Tourism Complex sa lungsod Nan Dapa karon Sabado, Nobyembre 6, 2021 diin mismo si President Rodrigo Roa Duterte ang mamahimong pinasidunggan bisita.

Visit RPN DXKS Surigao

Ang Siargao Island Sports and Tourism Complex nasugdan niadtong tuig 2015 sa liderato ug inisyatiba ni former Gov. Sol F. Matugas diin kini gipadajon ni Gov. Francisco Lalo Matugas ug natapos karon nga tuig 2021 sa kantidad nga Php. 630,209,638.12. Ang maong sports complex nga may capacity nga 1,632 ka mga tawo naglangkob sa dako nga gymnasium nga adunay tulo ka courts para sa basketball, volleyball ug badminton. Aduna usab two courts nga rubberized flooring, two-storey six classroom multi-purpose buildings nga nagsilbing Primary Sports Development and Training Center ug Dormitory para sa mga athletes. Aduna usab kini rubberized oval nga may duha ka grandstand, convention center ug swimming pool.

Samtang ang Catangnan-Cabitoonan Bridge, Libertad 1&2 Bridges Nan lungsod nan General Luna nahitabo usab pinaagi sa tabang Nan National Government sa pagpanguyo nan DPWH ug sa pag pa ningkamot ni Cong. Bingo Matugas sa unang distreto ug sa suporta ni Gov. Francisco Matugas. Ang maong proyekto nag kantidad ug Php 434 Million nga naglangkob sa Catangnan-Cabitoonan Bridge-348.8 linear meters, Libertad Bridge 1- 75.8 linear meters ug ang Libertad Bridge 2- 36.8 linear meters.

Dako karajaw an kalipay sa mga lumulopyo sa maong lugar ug sa tanan mga Siargaonon sa dagkong proyekto diin nasuportahan ang paglambo sa industriya sa turismo ug sa panginabuhi sa mga katawhan sa Isla Nan Siargao.

Padajon sa paglambo Siargao. (Mary Jul of PGO-Pic)

(Source: SDN Provincial Information Center Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -