Surigao City – Gi-unahan ug tilaw ang gi prosesong tubig na nakuha sa Maynilad didto Barangay Orok, Areliano district ning dakbayan sa Surigao.
Unang nisulay ug inom si kanhi Governador Robert Lyndon Barbers uban ni Engr. Paul Dumlao ug sa mga kaalyado niini sa Abante Surigao gani ilahang gipakita na luwas imnon ang bag-ong giprosesong tubig sa ilahang lugar.
Ang maong Aspirant mayor ang nakig alayon sa Maynilad aron mahatagan dayon ug pagtagad ang pagsupply ug tubig sa mga lihit nga mga lugar sama nalang sa mga kasikbit na kabarangayan sa areliano district na gitutukan usab ni Congressman Ace Barbers.
Ang ilimnong tubig na giprocesso sa Maynilad gamit ang makabag-ong ekwepo na gikan sa maynila ilang gigamit isip pagtabang usab na makalikom ug tubig ilimnon ang mga lumulupyo sa maong dapit.
Ang maong programa mulungtad sa pipila ka simana aron mahatagan ug saktong supply ang mga residente sa maong lugar ug gikalipay usab kini sa mga lumulopyo sa maong barangay isip tabang ngadto kanila.
Sumala pa ni kanhi Gov. Barbers na wala niya ni giisip pamaagi sa politika sanglit iyaha gayud kini gihunahuna isip tabang ngadto sa iyang isig ka-Surigaonon. (Janrelh Edera , Ronda 22, RPN DXKS Surigao)
