NAGSUGOD sa usa ka damgo, ang probinsya sa Misamis Oriental, wala gayud naila sa nasud hinungdan nga maoy nahimong hinguhaan sa kusog ug inspirasyon ni Gobernador Emano bisan paman sa iyang pagka-kongresista.
Isip usa ka “visionary leader” gilantaw ni Gobernador Bambi nga ang turismo sa Misamis Oriental mulambo gayud ug maila sa umalabot nga panahon.
Tungod sa maong tinguha, usa sa nahimo niining misyon mao ang pagpasemento sa mga kadalanan nga maoy mahimong paagi aron maila ang probinsya ug dili na lisod ang pagpasulod sa mga turista ug lumulupyo sa mga kabaranggayan ug kalungsuran sa lalawigan.
Bisan paman daghan ang wala mituo sa iyang plano, isip usa ka tawo nga adunay baruganan, gituman gayud ni Gobernador Emano ang iyang saad nga mapasemento ang mga lapokon nga dalan kaniadto ngadto sa sementado nga pulido ug luag kung asa natagamtaman na sa mga Misamisnon karong panahona.
“My adversary say, ayaw mo’g tuo ana, don’t believe him, bakak rana, dili na kaya masemento ni Bambi ang dalan gikan sa Villanueva, Claveria ug Gingoog. We worked in Congress, we were able to finished it, and now it was popularly called Route 955 and we see developments,”matud ni Gobernador Emano.
Ang Villanueva-Claveria-Gingoog City Road o mas giila karon nga Route 955 ang hilabihan nga naila karon tungod kay daghan na nga mga turistang Misamisnon ug bisan pa ang mga turista gawas sa probinsya ug laing nasod ang gabisita sa lalawigan.
Dugang niana, ang kadalanan sa Jasaan padulong sa Claveria, Balingasag padulong sa Claveria ug Manticao-Mahayahay-Limonda Road ang pipila sa daghang mga kadalanan nga namugna sa administrasyong Emano.
Matud sa record, sa administrasyon ni Governor Bambi lamang nakapasemento og hilabihan ka taas nga kadalanan nga adunay sukod nga 1,066.531 kilometros diin maoy kinatibuk-ang gitas-on sa provincial roads sa lalawigan.
“For infrastructure, from water, to barangay hall, to health centers and elated to know that in the history of Misamis Oriental, during our, not mine, our administration is the longest in history that was paved,”mabungahong sulti ni Gobernador Emano.
Kini pamatuod nga amahan sa lalawigan, Gobernador Emano usa ka tawo nga adunay kasingkasing ug dili taman sa saad lamang kondili aduna gayud lihok hinungdan nga giila sya sa ngalan nga “Sobrang Galing, Laging Gising” tungod sa kaikag niini nga matabangan ug mulambo ang kinabuhi sa matag Misamisnon. (PIO)
