CAGAYAN DE ORO CITY – Hugtanong nag-awhag si Congressman Rufus Rodriguez sa ikaduhang distrito sa Cagayan de Oro ngadto sa pagpagula na sa hazard pay ug special risk allowance alang sa mga doctors, nurses ug uban pang mga health workers sa pampublikong tambalanan sa tibuok nasud.
Sa us aka resolution No. 1055, si Rodriguez nagbutyag nga ang mga health workers sa Northern Mindanao Medical Center sa Cagayan de Oro nga mao ang gidesignate nga Covid-19 referral hospital sa region-10 ang apil sa DOH ug mga personahe sa government hospitals nga wala pa makadawat sa ilang hazard ug special risk incentives. Siya nag-ingon nga ang kongreso nagahatag na sa mandato alang niini subay sa
RA No. 11469 o ang Bayanihan to Heal as One Law.
Gibasal ni Congressman Rodriguez ang DOH sa pagkalangan sa paghatag sa maong incentives sa health workers. Matud niya ang upat ka bulan nga pagkadletar nakahatag sa demoralisasyon sa mga public health workers.
Kini tungod kay samtang ilang girisgo ang ilang kinabuhi sap ag-atiman sa mga Covid-19 patients, ang DOH wala maghatag pagtagad ngadto kanila tungod sa paglangan sa pagpagula sa gimando nga mga incentives alang sa mga health workers dugang pa ni Rodriguez. (Gin B. Serohijos)
(Source: 2nd Congressional District Office, CdeO)
