30 C
Manila
Friday, March 29, 2024

Quarantine Facilities Iti Ilocos Norte, Makaumanay Pay Laeng Kadagiti Kailian

- Advertisement -

Impasigurado ni Ilocos norte Gov. Matthew Marcos Manotoc nga umdas pay laeng dagiti quarantine facilities iti probinsia a pagyanan dagiti kailian nga agsubli ditoy Ilocos Norte.

Kunana a 11 amin dagiti quarantine facilities nga insagana ti Ilocos Norte nga addaan ti 400 a kuarto mairamanen ditoy dagiti bukod a quarantine facilities ti probinsia nga addaan met iti nasurok a 600 a kuarto.

Mamati ti gobernador a makaumanayen dagitoy a temporary a pagyanan dagiti quarantiners a pagpalabasan da iti 14 nga aldaw apaman a sumangpet da ditoy probinsia.

Kunana a nakita metten iti panagadu dagiti agsangpet a kailian kalpasan a naitandudu iti ‘’balik probinsia program’’ ti gobierno gapu paylaeng iti COVID-19.

Iti agdama, awan met pay ti problema iti panagkurkurang dagiti fasilidad ti probinsia malaksid nga adda pay dagiti bukod a quarantine facilities dagiti amin nga local government unitsno bilang umadu dagiti agsangpet a kailian.

Impatalged ti gobernador nga adda pay laeng iti umdas a pundo ti gobierno probinsial a maibusbus para kadagiti kailian.

Ipalgakna nga umabot pay iti ₱ 83.5 a milyon  ta ₱ 57 milyon ti local fund idinto a ti Bayanihan Grant ket agarup met iti ₱ 27 milyon  a nairanta a mabusbus para iti COVID-19 Pandemic.

(Source: Communications and Media Office of the Provincial Government of Ilocos Norte)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -