Gipangusgan pagbalik sa kagamhanan sa dakbayan sa Mandaue ang pag dili sa paggamit sa mga plastik sa tanang mga tindahan.
Usa ka panagtigom ug orientation ang gihimo kagahapong adlawa Mayo 7, 2024, sa mga sakop sa Mandaue City Environment and Natural Resources Office (MCENRO) uban sa mga representante sa nagkalain-laing malls o mga tindahan sa siyudad sa Mandaue.
Gihimo ang orientation kalabot sa pagdili pagamit og plastic nga putos sa mga baligya o paninda.
Gipasabot sa MCENRO ang ordinansahon o balaod nga nagdili sa pagamit og plastic nga pangputos sa mga tinda o baligya ngadto sa mga konsumidor.
Sa nasayran, ang pataka nga paglabay og plastic o selopin nakahatag og problema sa kalikopan ug nakabara sa mga kanal o drainage.
Ang mga plastic dako og kadaot sa environment tungod kay dili kini malata.
Nitambong sa orientation ang mga representante sa Parkmall, Pacific Mall, Insular Square, ug Gaisano Malls. (Renante Socia Lada)
(Source: Mandaue City PIO)