Himuon na unyang sayon ang pagkuha sa mga dokumento sa buhatan sa City Assessors sa dakbayan sa Sugbo sama sa tax declaration sa mga kabtangan.
Pinaagi kini sa digitalization ug online na serbisyo aron mas paspas ug dali ang pag prosesso.
Kana maoy gibutyag ni Dr. Maria Theresa Rosell, city assessor , atol sa pagpahigayon sa “Digital Tax Mao Control Roll (TMCR) Training Using GIS (Geographic Information System)” niadtong niaging adlawa, Pebrero 27, 2024.
“Mas mapadali ang pagpadangat sa serbisy, ilabi na kadtong mga owners sa mga properties, land, building, and machinery nga naga-apply sa atoa og mga tax declaration. Kay kini siya with the aid of information technology, with the aid of industrial revolution 4.0, and sa atong digital transformation, nga gipangulohan sa atong Halangdon Mayor, Mayor Michael Lopez Rama, inubanan sa atong Vice Mayor Raymond Garcia,” matag pa ni Rosell.
Sa maong training ang mga tax mappers ug appraisers sa Office of the City Assessors giandam para sugdan na ang pag-online sa mga serbisyo.
(Renante Socia Lada, photo courtesy by Cebu City PIO)