An Panggamhanan sa Probinsiya sa Surigao del Norte pinaagi ni Governor Robert Lyndon S. Barbers nag-imbitar sa tanan sa pag-apil sa pagsaulog sa Provincial Creative Arts Festival 2024 kuman Pebrero 29 hangtod Marso 1, 2024 isip culminating activity sa National Arts Months.
An selebrasyon maghiusa sa mga creative industries sa probinsya, subay sa Republic Act 11904, o nailhan nga Philippine Creative Industries Development Act.
Kini nga buhat isa ka panagtambayayong sa National Commission for Culture and the Arts ug sa Department of Trade and Industry.
Kini gitumong sa pag-establisar ug paborableng polisiya ug gambalay sa pagdumaya para sa pagpausbaw sa global nga kompetisyon sa atong mga industriya.
An maong Festival ipahigayon sa Provincial Convention Center, Governor Jose Sering Road, Surigao City.
Ipasundayag niini an Industry and Trade Exibits, Handicraft, Demonstration, Art Gallery and Competition on Creative Writing, On the Spot Painting, Singing and Street Dancing.
Kini nga Festival gitumong sa pagpataas sa atong industriya sa paglalang tungod kay kini isa ka salamin sa atong wayay kinutuban nga pagkamamugnaon ug adunahang kasaysayan.
(Mark James Lisondra)