Paghihigpit sa timbang ng mga pulis ipinapatupad

Magandang balita sa publiko ang ipinapatupad ng Philippine National Police (PNP) na paghihigpit sa timbang ng mga pulis.

Ayon kay Senator Panfilo ”Ping” Lacson, mas magiging handa ang mga pulis sa pagtugis sa mga kriminal kapag maganda ang kanilang pisikal na kondisyon at kalusugan.

Aniya, mas tataas rin ang respeto at tiwala ng publiko sa mga pulis kapag nasa tama ang pangangatawan ng mga ito.

Samantala, sinusuportahan rin ng Senador ang polisiya ni PNP OIC P/Lt. Gen. Archie Gamboa na pagharang sa mga pulis na sumailalim sa schooling na gustong ma-promote, sakaling hindi ito makasunod sa itinalagang body mass index.