Pagadian City – Nahimong mabungahon ang unang segmet sa pinaka bag o nga programa karon sa Kapisanan ng mga Brodkaster ng Pilipinas kon KBP Zambonga del Sur chapter, ang gitawag ug “Kapihan sa KBP” matag adlaw nga Martes.
Pinaagi sa panaghiusa sa nagkandaiyang media outlet sa syudad, sa pagpangulo sa KBP chairman Melchor Coronel ug mga opisyales niini, nagmalampuson ang programa diin tumong niini nga maipaila sa katawhan ang mga estasyon nga lihetimo ug tiunay sa serbisyo ug pagpangalagad kabahin sa pagpangaylap ug pakunayap ug tumang impormasyon. Usa sa pinaka sentrong idolohiya sa maong programa ang pagpakita ug pakigsama ug panaghiusa ingon man pagpaila sa mga myembro nga akriditado sa pagpangalagad isip usa ka media Practitioner.
Lakip sa mga giilang akreditado sa KBP nga estasyon sa syudad mao ang RPN-DXKP, RMN-DXPR, Ifm, Radyo Bisdak, DXKV, DXCA, DXWO, Malindang Broadcasting Network, DXID, Energy fm, Brigada News FM, ug kaabag niining tanan ang Philippine Information Agency.
Ang Kapihan sa KBP naglayon sa pagpang imbetar sa nagkalain laing sektor aron sila mahatagan sa higayon sa paghatag ug linaw sa kabag.ohan ug kalambuan sa matag ahensya.
Sa kinatibuk.an sa pilot episode sa Kapihan sa KBP, kauban ang pinakauna nga guest niini nga si Mayor Sammy Co, nagmabungahon ug malinawon ang programa. Lauman pa mga musunod nga segment sa umaabot nga mga panahon.
(Photos courtesy of RPN DXKP Pagadian)
