Mokabat 70 ka mga mag-uuma sa lubi sa lungsod sa Polanco ang naka dawat og financial assistance nga tag singko mil pesos gikan sa PCA kun Philippine Coconut Authority. Kini gilusad sa imaging semana sulod sa function hall sa municipio.
Gisugdan ang pay out pinaagi sa usa ka hamubo nga programa diin gitambongan sa mga pinasidunggang bisita. Sanglit adunay importante lakaw ang mayor, kini gi representahan sa bise mayor ug duha ka konsehal nga sila si Jennifer Rodrigo ug Romer Ladera.
Mitambong usab ang kadagkuan sa PCA, si Ms. Behildes Quizon, division chief l ning lalawigan uban ni Antonio Soria, Jr. acting senior agriculturist ug Ms. Anna Liza Emiasi, PCA agriculturist designate sa lungsod sa Polanco.
Gibutyag ni Soria, ang assistance maoy tipik ug kabahin sa programa nga gipatuman karon sa PCA isip tubag sa panginahanglan sa mga mag-uuma sa lubi niining panahon sa pandemic. Gitawag kini, expanded PCA response to covid-19 program. Ubos nianing programa, nay daghang benepisyo nga mahimong mapahimuslan sa mga mag-uuma sa lubi.
