Zamboanga del Sur – Padayong nikunhod ang kinatibuk-ang ihap sa COVID-19 sa Zamboanga del Sur atol sa ikaduhang adlaw sa pagpatuman og balik sa Alert Level 2 sa lalawigan.
Subay sa datos sa Integrated Provincial Health Office kagahapong adlawa, Pebrero 17, niubos ngadto sa 168 ang total active COVID-19 cases karon sa probinsya human madugang ang 6 ka bag-ong kaso ug 16 ka bag-ong recoveries lakip ang usa ka COVID-related death.
Sa mao gihapong latest report, miminus usab ang kaso sa dakbayan sa Pagadian ngadto sa 25. Gisundan kini sa Tabina nga adunay 12 ka aktibong kaso, Ramon Magsaysay nga adunay 11, ug 10 ka kaso sa lungsod sa Mahayag.
Miubos ngadto sa 31 ang na-admit nga COVID positive sa Zamboanga del Sur Medical Center kagahapong adlawa kompara sa 38 sa milabayng adlaw. Namatikdan sa gihapon nga mas daghang dili bakunado nga nagpositibo sa virus base sa record sa hospital.
Pag-awhag sa atong local health authorities, padayong mosunod sa minimum health protocols ug magpabakuna na aron makabaton og dugang depensa batok sa COVID-19.
(Source: ZDS Press Bureau, photos courtesy of ZamboSur Covid Updates)