Cagayan de Oro City- MOKABAT sa 760 ka mga senior citizens sa Cagayan de Oro ang gikatakdang modawat sa ‘Expanded Centenarian Cash Gift’ kon pinansyal nga ayuda gikan sa nasudnong kagamhanan nunot sa ‘Republic Act 11982 o Expanded Centenarian Act’ karong semanaha.
Ang nasangpit nga payout ipahigayon sa Office for Senior Citizens Affairs (OSCA) ug National Commission on Senior Citizens (NCSC), diha sa SM CDO Downtown karong Hulyo 30, ala 1:00 sa hapon hangtod alas 3:00 sa hapon sa mga benipisyaryo sa District 1, samtang Hulyo 31, alas 10:00 sa buntag hangtod alas 2:00 sa hapon usab alang sa District 2.
Sigon sa Expanded Centenarian Act, makadawat og tag 10,000 pesos ang matag senior citizen nga makatungtong sa edad nga untop 80, 85, 90, ug 95 anyos.