Zamboanga del Sur – Gipahigayon kagahapong adlawa sa Department Of Trade and Industry ang Provincial Mini Trade Fair sa may Gaisano Mall Capital Pagadian, kon asa gi bida sa trade fair ang mga klase klase mga produktong ginama lokal sa Lalawigan Zamboanga del Sur. Matud ni Flor G. Miraflor ang Provincial Director sa DTI Zamboanga Sur nga mulontad sa pulo ka adlaw ang maong trade fair, kon asa adunay 15 hangtud 20 ka mga exhibitor sa nasangpit nga lalawigan og sa Zamboanga del Norte ang miapil sa nahisgutan nga trade fair aron mo showcase sa ilang ginama nga produkto.
Gibutyag sa Provincial Director nga bisan paman sa nasinating Pandemya, padayon gihapon ang buhatan sa DTI sa pagtabang og pahatag suporta ngadto sa mga MSME kon Micro Small Medium Enterprise, sama sa pagpahulam og financial assistance nga walay interest aron makasugod og madugang sa ilang ginangmay nga Negosyo nga makatabang usab ngadto kanila.
Samtang giawhag ni Provincial Director Miraflor ang katawhan sa Pagadian og sa tibuok Lalawigan Zamboanga Sur nga mopalit og mubisita sa gipahigayon nga Provincial Mini Trade Fair aron suportohan ang locally produce product nga ginama sa mga nagkanda-iyang msme sa bisan asa nga lungsod niining probinsya.
(Photos courtesy of ZDS Press Bureau)
