Saturday, June 15, 2024

Pagadian: P1.6 Milyones Nga Smuggled Cigarettes Nasakmit Sa Dumingag, Zamboanga Del Sur

- Advertisement -

Zamboanga del Sur – Nasakmit sa otoridad ang mukabat sa 158 ka kahon sa smuggled nga sigarilyo nga dunay kantidad nga P1.6milyones adlawng Huwebes, Nobyembre 4, 2021 sa Brgy. Lower Landing, Dumingag, Zamboanga del Sur.

Sumala sa report, naharang sa mga elemento sa Dumingag Municipal Police Station kauban ang mga ginsakpan sa 1st ZSPMFC ang usa ka Foton Truck nga dunay Plate number ANA 4921 atol sa ilang gipahigayong inspeksyon sa border control point sa maong national highway.

Nasayran nga nagbiyahe ang maong sakyanan gikan sa Brgy. Talon-Talon, Zamboanga City ug padulong sa Cotabato City.

Visit RPN DXKP Pagadian

Segun ni PMaj Mark Gerome Nebria, Acting Chief of Police sa Dumingag, gipangayuan matud pa sa kapulisan og travel documents ang mga sakay sa maong sakyanan apan pakyas kini sa pagpresenta ug mipakita lamang og expired nga driver’s license. Pakyas usab sila nga magpakita og tukmang dokumento sa pag-deliver sa maong mga sigarilyo.  Sa maong higayon gisusi na sa mga otoridad ang maong truck ug nadiskubre nila ang kahon-kahong sigarilyo.

Sa pag-imbentaryo sa mga sulod sa truck, nakita sa kapulisan ang anaa sa 158 ka kahon sa Greenhill cigarette, usa ka kahon sa green Arthur cigarette, usa ka kahon sa red Arthur cigarette ug 125 ka piraso sa plastic containers nga walay sulod.

Mototal sa ₱ 1,6000,000 ang estimated market value sa maong mga nakumpiskang smuggled nga sigarilyo.

Nakakustodiya na karon sa kapulisan ang driver ug truckman sa maong sakyanan samtang ang mga nasakmit nga kontrabando giturnover na ngadto sa Bureau of Customs.

Ang maong accomplishment sa kapulisan batok sa cigarette smuggling sa probinsya gidayeg ni Zamboanga del Sur Gov. Victor Yu. Kahinumduman nga sa iyang mga naunang pahayag, pursigido ang gobernador nga sumpuon ang mga ilegal nga kalihukan sa Zamboanga del Sur ilabina ang padayong paglusot sa smuggled cigarettes sa lalawigan pinaagi sa hugot nga suporta ngadto sa law enforcement agencies.

Ning bag-uhay pa lamang pormal ng gi-activate ang Provincial Task Force nga maoy mututok sa pagdakop sa mga ilegal nga sigarilyo sa probinsya pinaagi sa hiniusang koordinasyon sa PNP, Customs, NBI, Coast Guard, BIR ug uban pang stakeholders.

(Source: ZDS Press Bureau, photo courtesy of Dumingag Municipal Police Station)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -