Gipadayon sa LDRRMO Liloy ang pag-monitor sa haze sa pipila ka lugar sa lungsod pinaagi sa drone surveillance, human sa Haze Alert nga gipagawas sa EMB Region IX.
Gisubay sa team ang visibility ug ang kasamtangang kahimtang sa haze sa mga lugar nga apektado aron makatabang sa tukmang pagpatuman sa mga lakang alang sa kaluwasan sa publiko.
Gipahimangnoan ang mga residente nga magmatngon ug likayan ang dugay nga pagpabilin sa gawas, ilabi na samtang baga ang haze.
Gidasig usab ang publiko nga magsul-ob og mask kung gikinahanglan ug unahon ang ilang kahimsog ug kaluwasan samtang padayon ang monitoring sa LDRRMO Liloy.(JENIFFER JR. DELICA)
Source: LDRRMO Liloy