Mitubag ang Salug Emergency Response Unit (SALERU) sa MDRRMO Salug sa usa ka medical emergency sa Barangay Purok 6, Liquac, Salug, Zamboanga del Norte, diin nalambigit ang 39-anyos nga babaye nga pasyente.
Pag-abot sa responders, ilang gisusi dayon ang kahimtang sa pasyente ug gi-monitor ang iyang vital signs aron mahatagan sa angay nga emergency medical assistance.
Human sa unang pag-atiman, gidala ang pasyente ngadto sa Liloy Integrated District Hospital alang sa dugang nga pagsusi ug pag-atiman medikal.
Ang maong response kabahin sa padayong pagserbisyo sa SALERU sa paghatag og paspas nga tabang sa mga residente nga nanginahanglan og emergency medical assistance.(JENIFFER JR. DELICA)
Source: Salug DRRM Office