Ipatuman ang Red Alert sa Visayas power grid karong Septiyembre 7, 2026, gikan alas-6 sa gabii hangtod alas-7 sa gabii.
Samtang, ipatuman usab ang Yellow Alert gikan alas-3 sa hapon hangtod alas-6 sa gabii, ug alas-7 sa gabii hangtod alas-9 sa gabii.
Matud sa National Grid Corporation of the Philippines o NGCP, adunay 2,530 megawatts (MW) nga available nga kuryente, samtang ang peak demand o pinakataas nga panginahanglanon mokabat sa 2,508 MW. Adunay usab 15 ka power plants nga nag-operate sa mas ubos nga kapasidad, hinungdan nga 818.9 MW nga kapasidad ang dili magamit sa grid.
Lakip sa mga hinungdan sa alert status mao ang wala pag function sa dagkong coal plants nga TVI 1 ug PEDC 3, pagkunhod sa kapasidad sa THVI 2, ug limitado nga power import gikan sa Mindanao. Ang Red Alert ipagawas kung dili igo ang suplay sa kuryente aron matubag ang panginahanglanon sa mga konsimidor ug kinahanglanon sa transmission grid. Ang Yellow Alert usab ipatuman kung kulang ang reserve o buffer sa grid alang sa posibleng emergency.
I via Renante Socia Lada