Gipahigayon sa mga personnel sa Sindangan Central Fire Station, ubos sa pagpangulo ni FSINSP Francis Carl T. Paulite, Municipal Fire Marshal, ang fire drill ug fire safety lecture alang sa mga empleyado sa usa ka establisemento sa Sindangan niadtong September 4, 2026.
Gihisgutan atol sa lecture ang kasagarang hinungdan sa sunog sa mga establisementong pangnegosyo, hustong pagmintinar sa kalimpyo ug kahapsay, electrical safety, ug paggamit sa fire protection equipment.
Gitudloan usab ang mga empleyado sa hustong paggamit sa fire extinguisher gamit ang T-PASS technique, lakip ang hustong proseso sa paglikas ug kamahinungdanon sa pagpabiling kalmado panahon sa sunog ug uban pang emerhensiya.
Gipahigayon dayon ang fire drill aron masulayan ang emergency response plan, diin organisado nga nanglikas ang mga empleyado ngadto sa gitakdang assembly area. Gisiguro usab sa mga personnel sa Shift B ang hapsay nga pag-evacuate ug kahapsay sa safety protocols atol sa drill.(JENIFFER JR. DELICA)
Source: BFP R9 Sindangan Municipal Fire Station v2