Guipos, Zamboanga del Sur – Gibuksan na ang opisyal nga implementasyon sa face to face classes sa mga piniling tulunghaan sa Zamboanga del Sur karong adlawa, Marso 7, 2022.
Kini alinsunod sa mandato sa Department of education nga ipatuman ang limited face to face classes isip pagpangandam sa opisyal nga pagbabalik eskwela sa mga kabataan sa high school.
Usa ang Guipos National high school sa mga napili nga tulunghaan nga pagatugutan sa balik-estudyante-skwelahan, human kini ang makapasar sa monitoring sa DepEd.
Isip pagsunod sa minimum standards health protocol, gi welcome sa maong skwelahan ang mga studyante diin mi cater sab sila ug atleast 50% classroom capacity.
Hingpit usab nga gipatuman ang basic health protocol sama na lamang sa social/physical distancing, pag suot ug facemask, ug paghugas o pagsanitize sa kamot.
Sa kinatibuk.an, nahimong malampuson ang unang adlaw sa maong implementasyon ug gikalipay kini dili lamang sa mga studyante apan ingon man usab sa mga magtutudlo.
Padayonon sa maong buhatan king maong proyekto isip unang lakang aron hinay hinay nga mahibalik ang normal nga pagtuon sa mga kabataan, ug padayon usab nga pamanid.an ang development kon kauswagan sa maong sistema aron masuta kung applicable ba unya sab kini nga pagabuksan sa uban pang tulunghaan. (Photos courtesy of Dina Capilitan)
