30.2 C
Manila
Sunday, April 21, 2024

Pagadian: Libreng opera sa bungi og ngoho, gipahigayon

- Advertisement -

Zamboanga del Sur – Gipahigayon sa Provincial Government sa Zamboanga del Sur ang Libreng Opera sa Bungi og Ngoho, karong adlaw nga lunes sa may Medical Center emergency room. Ang maong kalihukan giabagan sa Advance Craniofacial Project Philippines Inc. kon ACPPI, Smile Train, House Of Representative, PDAO kon Person with Disable affairs Office og ang Zamboanga del Sur Medical Center. Matud sa Chief of Hospital nga si Doctor Anatalio Cagampang Jr. nga muluntad pa sa upat ka adlaw ang maong Libreng Opera kon asa kini pwedi sa tanang katawhan nga lumolupyo sa maong probinsya.

Visit RPN DXKP Pagadian

Gibutyag usab sa Chief of Hospital nga sulod sa upat ka adlaw adunay target nga 30 ka inidibidwal ang ilang e-cater kada-adlaw, gitino usab ni Cagampang nga dili ma cover sa Philhealth ang surgical mission sama niini, apan walay bisan peso nga bayaran ang pasyente tungod gi-shoulder na sa Provincial Government nga gipamunoan ni Governor Victor Yu og Deputy Speaker Divina Grace Yu ang gasto sa operasyon, ingon man ang mga kulang nga gamiton atol sa operasyon sa surgical team nga gikan sa Manila bayaran na sa Gobernador. Hisayran nga gikan pa sa Manila ang mga doctor o surgeon nga magpahigayon sa operasyon ngadto sa mga pasyente.

Mapasalamaton pagdako ang Cleft President nga si Wilma Cadungog og ang OIC-PDAO nga si Miriam Llanos ngadto sa Provincial Government sa administrasyon ni Governor Yu, tungod sa kanunay nga paghatag og suporta ug tabang niini. Samtang gipamahayag sa Gobernador nga sila padayun sa paglihok, pagtabang og paghatag supporta aron nga mahimong malampuson ang tanang programa sa Gobyerno nga makatabang sa katawhan,, dugang niini nga dako kaayu kinig tabang alang sa mga PWD nga adunay pareho nga kondisyon tungod dili na sila maka sinati pa og pagsaway sa uban nga indibidwal.

(Photos courtesy of ZDS Press Bureau)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -