*Disclaimer: Sensitive content R/18
Dimataling, Zamboanga del Sur – Wa nay kinabuhi nga napalgan sa silingan ang usa ka lalaki human kini makita nga nabitay sa punuan sa Gemilina, alas 3:20 sa hapon, Pebrero 15 2022 didto sa lungsod sa Dimataling.
Ang biktima giila nga si Jorick Lazaga Tudtod, 19 anyos, ulitawo, usa ka studyante ug lumulopyo sa Purok 3 sugbay, Dimataling Zamboanga del Sur.
Matud pa sa usa ka “Tata”, nahigayon nga nanigway siya nianang mga taknaa dihang nakita nya nga dunay nagbitay ibabaw sa kahoy, busa dali siyang nanawag ug tabang.
Tumang kaguol ang gibati sa pamilya sa gidangatan sa maong biktima., Gani, gikatingad.an gayod nila nganong nabuhat kini sa batan.on.
Sa Padayon nga pakisayod sa Dimataling Municipal Police station, nasayran nga king maong biktima dunay karelasyon. Ang uyab niini ginganlan ug “shiela” nga taga Pitogo ug base sa inisyal nga pakisayod, gibutyag sa uyab niini nga sa wala pa mahitabo ang paghikog, nag Video call pa silang duha ug didto iyang gisugid, nga duna silay ‘wala pagkasinabtanay’ dihang natapos ang tawag.
Walay foul play nga nakita sa lugar base sa gipahigayon nga imbistigasyon.
Gipahiluna na sa nagbangutang pamilya ang patayng lawas sa biktima didto sa ilang pinuy.anan.
(Photos courtesy by Minsan G. Madredenos)
