Pagadian City – Mokabat sa 196 ka mga tricycle ug bao-bao drivers sa Pagadian City ang nahatagan og pinaskuhan ni Gov. Victor Yu, Cong. Divina Grace Yu ug Atty. Jackie Bana atol mismo sa adlaw sa Pasko, Disyembre 25.
Midawat ang maong mga drivers og ₱ 300 cash ug food packs isip simpleng pa-ayuda sa ilang pamilya karong panahon sa Kapaskuhan.
Dako ang pagpasalamat sa mga drivers tungod sa maong gipakitang pagtagad sa administrasyon ni Gov. Victor Yu sa ilang sektor ilabina sa panahon sa pandemya.
Personal nga gidunol ni Mayoralty aspirant Atty. Jackie Bana ang cash samtang giapod-apod sa mga councilor aspirants nga sila Kapitan Jojo Guillar, Dr. Ariel Lim, Bien Culve ug Aiko To ang mga foodpacks.
Pipila usab sa mga anak sa mga drivers ang gihatagan og mga dulaan ni Atty. Jackie.
Matag Pasko, nahimo ng tradisyon sa pamilyang Yu ang gift giving isip usa ka pamaagi sa ilang pagpasalamat sa nga panalangin nga ilang nadawat sa tibuok tuig.
(Source: Victory Zamboanga del Sur, photo courtesy by Jackie Bana)