Zamboanga del Sur – Malampusong napahigayon ang presentation of Surrendered Criminal Gang and Communist terrorist Group members diin adunay pito ka mga myembro sa Anwar Ansang Criminal Gang sa lungsod sa Dinas ug tulo ka mga myembro sa Communist Terrorist Group nga gikan pa sa lungsod sa Lakewood. Kini gipahigayon sa municipal Gymnasium sa lungsod sa Dinas kagahapong adlawa, November 16, 2021.
Hingpit nga gidawat ni Governor Victor J. Yu ang maong mga surrenderee kauban sila Regional Director of Police Regional Office 9 nga si PBGEN Florencio T. Ortilla, Provincial Police Director PCOL Roel L. Lami-ing ug DILG Provincial Director nga si Moh. Taha S. Arakama.
Atol sa gipahigayon nga seremonya mitunol si Mayor Eleazer Y. Asoy sa lungsod sa Dinas ug Mayor Domingo V. Mirrar sa lungsod sa Lakewood ug Monetary Incentives ngadto sa mga surrenderee.
Nanumpa ang mga surrenderee nga mubalik na sa sabakan sa gobyerno ug ila nang isalikway ug putlon ang ilang suporta sa maong kanhing grupo ug andam sila motabang alang sa kaayuhan sa tanan.
(Source: Igmat Dinas)