Tukuran, Zamboanga del Sur – Abo nalang ang nahibilin sa kabalayan human sa nahitabong sunog didto sa Purok Sampaguita, Sto. Nino, Tukuran, Zambonga del Sur, alas 8:58 kagabie, Marso 8, 2022.
68 ka mga panimalay ginama sa light materials ang gilamoy sa kalayo ug paspas kaau ang pagkunayap niini.
Sa inisyal nga datos gikan sa Tukuran Bureau of Fire Protection, pinaagi ni SPO4 Rolando Sabturani, (Tukuran Municipal Fire Marshall) wala ray angol o casualty sa maong hitabo apan 76 ka mga pamilya ang apiktado.
Gipaningkamutan pa sa maong buhatan nga masuta ang mga importanteng detalye sama sa kung asa nagsugod ang sunog ug sa posibleng hinungdan niini. Samtang Padayon ang Pag awhag sa BFP nga magma igmat ug mag amping kanunay sa hagit sa sunog hilabi na karon ang bulan sa Fire Prevention Month.
Karong buntag, Marso 9 2022. Mao kini ang sitwasyon sa nahitabong sunog kagabii.
(Source: BFP Tukuran, photo courtesy of P. Revelo)