Zamboanga del Sur – Gihatod na kagahapong adlawa ang ayudang giandam sa Zamboanga del Sur Provincial Government nga gipamunoan ni Provincial Governor Victor J. Yu og ni Deputy Speaker – Congresswoman Divina Grace Yu ngadto sa mga nabiktima sa bagyong Odette sa may Cebu og Bohol. Matud pa nga mukabat sa 3 milyones ka pesos ang kantidad sa mga relief goods nga gikarga sa 4 ka wing van og ihatod isip tabang ngadto sa duha ka probinsya.
Hisayran nga mukabat sa 3 mil ka sako nga bugas ug 1 ka libo 470 ka kahon nga mga bottled water ang gikan sa calamity funds sa probinsya. Dugang pa nga napili ang Bohol ug Cebu nga maoy hatagan sa mga ayuda gumikan sa hangyo sa Office of the Civil Defense kon OCD. Atol sa send-off anaa ang presensya ni Governor Victor Yu, Deputy Speaker Congresswoman Divina Grace Yu, Board member Dang Mariano, Board Member Almando Sanoria, Board Member Raul Famor lakip na silang Atty. Jihan Bana ug Atty. Jackie Bana.
Sa katapusan gipasalamatan sa Gobernador ang mga higala niini sama nila Alcano sa NSB junkstore, Julius Paraon sa Aurora, Niel Yu sa Molave nga mipahulam sa ilang wing van nga maoy gigamit sa pag byahe, kon asa usa usab ka wing van ang gipagamit ni Governor Yu aron mahimong hapsay ang pagdeliver sa mga hinabang paingon sa Cebu ug Bohol.
(Photos courtesy of ZDS Press Bureau)