Kita sa cctv footage ang nahitabong aksidente kagahapong adlawa atubangan sa Surigao Doctor’s Hospital sa Purok 2 Sitio Kinabutan, Brgy. Rizal kapin kon kulang alas 5:35 ang takna sa hapon.
Sa imbestigasyon ni PSSgt. Bryan Sumampong nasayran nga ang driver sa Gray/black Mitsubishi Montero Wagon nga si Mariel Jasmine Eleazar Monteros, 21 anyos, babaje, dayaga, estudyante, residente sa Canlanipa Homes, Surigao City nga may Plate Number LMT711. Samtang may sakay kini na si Kurt Lyndon Digao, 21 anyos, layaki, ulitawo, residente sa Canlanipa Homes, Surigao City.
Ang rider sa motorsiklo Honda Click, Plate Number 1501-188031 amo si Anthony Joy Vege Alutaya Sunico, 34 anyos, layaki, ulitawo, private employee, residente sa Purok Payawan 2, Brgy. Luna, Surigao City.
Sumala pa nga nagjagan sa opposite nga direksiyon sa National Highway Brgy. Rizal ang duha ka mga nalambigit nga vehicle. Pag-abot sa Purok 2 Sitio Kinabutan nakaplastar na pagliko sa waya ang driver sa Mitsubishi Montero pasuyod sa Surigao Doctors Hospital.
Pero tungod sa kapaspas sa jagan sa rider sa motorsiklo, aksidente nija nadasmagan ang Mitsubishi Montero nga miresulta pagkalagpot sanan naka-angkon nan mga samad sa nagkadaiyang parti sa ija lawas ang driver sa motorsiklo. Human sa aksodente, dali tagdaya sa Caraga Regional Hospital ang rider pinaagi sa Emergency Medical Service sa syudad samtang ang driver sa Mitsubishi Montero ang boluntaryong midangop sa City PNP para sa pag areglo sa nahitabo. (Mark James Lisondra, Ronda 21 RPN DXKS)
CCTV Video:
Copy and paste this link: https://www.facebook.com/1427050990643243/posts/3653819057966414/
Please like our FB page:Â DXKS RPN RADIO SurigaoÂ
