Nagmalampuson ang gipahigayon nga buy-bust operation batok sa usa ka High Value Individual, kaganihang kadlawon, pasado alas 4:00, adlawa Mayo 10, 2024.
Ang buy-bust operation gilusad sa mga sakop sa Talisay City Police Station, Cebu Police Provincial Office (CPPO) didto sa Sitio San Rafael, Barangay Tangke, Talisay City.
Ang suspetsado nga lalaki nga gipugngan ang pangan, nagpanuigon og 29 anyos.
Nakuha sa iyang position ang gituhuang shabu nga adunay timbang nga 1.2 kilograms ug street value nga P8,160,000.00.
Lakip nga nakuha ang buy-bust money, mobile phone, cash, plastic containers, backpack, usa ka white-black Yamaha Mio Sporty motorcycle nga gigamit sa drug transactions.
Si PBGen. Anthony Aberin, PRO7 Regional Director, nidayig sa mga sakop sa Talisay City police sa ilang nahimong kalampusan ug pagprotihir sa katawhan batok sa dautang elimento sa katilingban.
“The fight against illegal drugs will continue and our impactful operations in the past months have resulted to large seizures of illicit drugs and arrest of high profile traffickers. We shall keep the momentum going under the BIDA Program of SILG Atty. Benjamin Abalos.” dugang ni PBGen. Anthony Aberin.
Ang mga nasakmit nga mga ginadiling drugas ipadala didto sa Cebu Provincial Forensic Unit para sa dugang pag susi.
Sa pagkakaron ang suspetsado anaa na sa kustodiya sa Talisay City Police Station ug giandam na usab ang kasong kalapasan sa sections 5 and 11 of the Republic Act 9165. (Renante Socia Lada)
(Source: PRO-7)