CAGAYAN DE ORO – Gibutyag ni Mayor Oscar Moreno nga nagtinguha siya sa paghangyo sa national government sa pagpadayon sa pagpailawom sa syudad ubos sa general community quarantine. Kini tapos ang Covid-19 Inter Agency Task Force miaprobar sa resolution nga nagtumbok sa Cagayan de Oro isip usa sa mga low-risk areas sa nasud nga nagpasabot nga dili na angayan ipailawom sa Community Quarantine.
Ang IATF Resolution 35 nag-identify sa ubang low areas sa Region 10 nga mao ang Bukidnon, Camiguin, Lanao del Norter, Misamis Occidental ug Misamis Oriental.
Matud ni Moreno nga samtang nagtinguha siya paghangyo sa IATF pagreconsider sa kahimtang ning dakbayan paglibkas sa general community quarantine apan ang cityhall moimposar gihapon sa mga balaod alang sa paghatag proteksyon sa mga residente sa syudad. Matud niya ang bisan pa man nga ang data nagpakita nga low risk area ang syudad apan gikinahanglan pa gihapon ang minimum health standards niini nga dapit.
Gidugang ni Mayor Moreno nga nabalaka siya nga kon magkompyanya ug maghaguka sa mga labayan labot na niini nga kahimtang ang syudad, adunay seryosong balos niini sa kahimtang sa pagnglawas sa publiko.
