Mga Pinoy walang dapat ikabahala sa pagdami ng Chinese nationals sa bansa – PNP spox

Walang dapat ikababala ang mga Pilipino sa pagdami ng mga Chinese nationals sa bansa.

Ito, ayon kay Philippine National Police (PNP) spokesman Bernard Banac, matapos iparating ni National Security Adviser Hermogenes Esperon na tumataas na ang bilang Chinese nationals sa Pilipinas.

Ayon kay Banac, hindi dapat mangamba ang mga Pinoy dahil maganda ang ugnayan ng Pilipinas at China.

Kaugnay nito, tiniyak rin ni Banac na under-control pa ng pulisya ang sitwasyon pagdating sa mga Chinese nationals na nasa Pilipinas.