Gi bawalan na karon ang mga Bol-anon nga magdaob sa ilang tagsa-tagsa ka mga lugar aron malikayan ang mga grass fires.
Basi usab kini sa Memorandum Circular 2024-0016 nga gipagawas ni Bohol Governor Aris Aumentado diin iyang gimandu-an ang mga pangulo sa mga nagkadaiyang mga departamento, buhatan, mga mayor, mga Barangay kapitan nga ipatuman ang balaod ubos sa Republic Act 9003 sa tibuok probinsya sa Bohol.
“The memorandum comes in response to increasing grass fires and rampant open burning of solid waste across the province, posing significant risks of wildfires amidst rising temperatures,” segon sa Bohol LGU.
Mahinomduman nga pipila ka bungtod sa Chocolate Hills nasunog niadtong Martes sa gabii, Abril 30, 2024.
Pasado alas 7:30 sa maong gabii niulbo ang sunog nga napalong pagka alas 10:35 sa gabii, segon sa taga Bureau of Fire Protection ug Bohol Disaster Risk Reduction and Management Council.
“The memo emphasizes the prohibition of open burning under RA 9003 and urges the adoption of sustainable waste management practices such as upcycling, recycling, and composting to mitigate environmental hazards,” dugang pa sa LGU Bohol.
Sa pagkakaron gitahasan ang tanang ahensya sa goberno didto sa Bohol nga mohimo og mga awareness campaigns, monitoring communities, ug implementing penalties para sa mga malapason sa RA 9003. (Renante Socia Lada)
(Source: Provincial Government of Bohol)
