Giaresto sa mga personahe sa Del Carmen Municipal Police Station ang duha (2) ka indibidwal nga nasakpang nagtransport ug mga kahoy’ng “Sajapu” sakay sa de sidecar nga motorsiklo niadtong Byernes, Mayo 22 samtang ang maong kapulisan ang mipahigayon ug roving patrol sa may mga alas 9:40 sa kagabhion didto sa National Highway, Brgy. Esperanza, Del Carmen, Surigao del Norte alang sa pagpatuman sa curfew.
Naila ang mga naaresto nga mao sila ni NIXON CONTRERAS COMON, 32 anyos, minyo, wala’y trabaho; ug SERJUN CONTRERAS COMON, 35 anyos, minyo, wala’y trabaho, parehong mga lumulupyo sa Purok 7, sa nasampit nga barangay.
Sumala pa, giaresto ang maong mga suspetsado sa paglapas sa PD 705 dihang wala kini mga balidong dokumento o permit.
Mukabat sa P6,630.00 ang gibana-bana nga 221 board feet nga gilangkuban sa 11 ka 2x2x8 ug 36 ka 1x8x8. (Jun Prex Salubre, Ronda 6 RPN DXKS)
Â
