Un casa el ya man uput na un incendio que ya ocuri aqui na ciudad, asegun con el marshal del Zamboanga City Fire District (ZCFD) del Viernes.
Asegun con Superintendent Christopher Morales, el marshal del ZCFD, el incendio ya comensa mga alas 6:27 de Jueves denoche na Paseo de Fairview, Barangay Sta. Maria, en este ciudad.
Asegun con Morales, el incendio ya principia adentro na casa de Michael Regino y enseguidas ya engranda el fuego.
Asegun con Morales, ya puede controla con el incendio que ya alcansa na segundo alarma mga alas 6:48 del noche y completamente ya puede apaga mga alas 7:18 del noche.
Si Morales ya habla el destroso del propiedad que ya causa el incendio ya alcansa na P3 millon.
Si Morales ya habla, ta precura pa sila determina si cosa el origin del incendio. (B. Garcia)