Zamboanga: 2 rebelde NPA ya muri na tirahan contra military

0
9
photo courtesy of 57IB

Dos rebelde New People’s Army (NPA) el ya muri na un tirahan contra con mga tropas del gobierno na provincia del Sultan Kudarat, asegun con el military del Viernes.

Si Tiniente Coronel Guillerno Mabute, Jr., el comandante del 57th Infantry Battalion (IB), ya habla el tirahan ya socede mga alas 5:43 del Jueves aga na Sitio Laman, Barangay Salansang, Lebak, Sultan Kudarat.

Asegun con Mabute, antes del tirahan, el mga residentes ya informa canila aserca el presencia del mga rebelde NPA quien ta conduci actividades de extorcion na Sitio Laman, Barangay Salansang municipio de Lebak.

Ya habla si Mabute, el mga tropa del 57IB hunto con el mga personajes del 37IB y 7IB ya conduci ofensiva y ya man tirahan contra con 10 bien armao rebelde NPA na Sitio Laman, Barangay Salansang.

Asegun con Mabute, el tirahan ya resulta na muerte de dos rebelde NPA mientras el losdemas ya istindi para na diferentes direccion.

Si Brigadier General Michael Santos, el comandante del 603rd Infantry Brigade, ya habla cay el mga rebelde quien ya man tirahan con mga soldao amo mga miembros del ejecutivo comitiba del mando de sub-regional del Daguma of Far South Mindanao Region del NPA.

El mga soldao ya recubri na lugar del tirahan un rifle M-16 Armalite, un calibre .45 pistola, un granada, mga bala, documentos subersivo, personal cosas, y otro mga materiales de guerra. (B. Garcia)

Leave a Reply