Arestado sa joint operation on Public Safety Measures sa mga elemento sa Del Carmen Municipal Police Station sa pagpangulo ni PLT. ANGLO NALDOZA AMBID, ang Officer-In-Charge (OIC); 3rd Manuever Platoon sa 1st SDN Provincial Mobile Force Company (PMFC) pinaagi ni PSSg. Jongie L Tokong, ang Team Leader; ug Bureau of Fire Protection (BFP) Del Carmen, ang duha (2) ka mga suspetsado sa pagtransport ug gasolina sakay sa pump boat, mga alas 9:10 sa buntag niadtong Sabado, Mayo 23.
Naila ang mga naarestong suspetsado nga mao sila ni MARVIN QUIBOY GERON, 21 anyos, ulitawo, Asst. Cook; ug JOVEMAR GERON JOVERO, 19 anyos, ulitawo, estudyante, parehong mga lumulupyo sa P-3 Brgy. San Miguel, Dapa, Surigao del Norte.
Nasayran sa inisyal nga imbestigasyon nga gibana-bana sa 540 litros nga gasolina ang nakompiskar atol sa maong operasyon nga mukantidad sa P24,300.00.
Ang naarestong mga suspetsado ug ang nakompiskar nga mga flammable liquid lakip na ang pumpboat ug ang usa (1) ka 16HP engine ang gidala sa Del Carmen MPS sa paglapas sa PD 1865 o AN ACT DEFINING AND PENALIZING CERTAIN PROHIBITED ACTS INIMICAL TO THE PUBLIC INTERESTS AND NATIONAL SECURITY INVOLVING PETROLEUM AND/OR PETROLEUM PRODUCTS, PRESCRIBING PENALTIES THEREFOR AND FOR OTHER PURPOSES, BY INCLUDING SHORT SELLING AND ADULTERATION OF PETROLEUM AND PETROLEUM PRODUCTS AND OTHER ACTS IN THE DEFINITION OF PROHIBITED ACTS, INCREASING THE PENALTIES THEREIN, AND FOR OTHER PURPOSES. (Jun Prex Salubre, Ronda 6 RPN DXKS)
