Gumikan sa hugot nga pagpatuman sa border lockdown, staying at home ug physical distancing nila Governor Steve Chiongbian Solon ug sa pito (7) ka mayor, gimugna karon sa mga pampublikong hospital sa Sarangani Province sa pagpanguna ni Provincial Health Officer Dr. Arvin Alejandro ang programa nga “Tele-Konsulta” aron dili na muadto pa ang mga residente sa hospital pagpa-check up ug matagaan og tambal.
Segun ni Dr. Alejandro, mudawat og mga text ug tawag apil Sabado ug Dominggo ang maong hospital service. Pinaagi sa naka-duty nga doktor, i-pick up lang sa hospital ang reseta aron dili na aktwal nga magpila pa ang pasyente. Ginatun-an na pud karon ang pagpadala sa reseta gamit ang Facebook, Messenger ug Email para maoy ipakita sa botika.
Ma-kontak ang Kiamba Municipal Hospital gitawag nga Dr. Cornelio Martinez Sr. Memorial Hospital sa celfone number nga 0917-7000-697 ug 0920-9586-009 ug sa landline number nga 083-893-4142. Samtang, ang Maasim Municipal Hospital ang ma-txt ug matawagan sa numero nga 0906-453-6338, 0961-314-5537 ug landline 083-893-0062. Maitum Municipal Hospital 0946-7096-618, landline 083-893-0029. Ang Glan Medicare Community Hospital ma-kontak sa celfone number nga 0951-535-7273 ug 0975-769-1711. Ang Malungon Municipal Hospital 0951-814-8697 ug 0935-642-1539. Ug ang Sarangani Provincial Hospital para sa mga taga-Alabel ug Malapatan ang ma-txt-matawagan sa numero nga 0951-307-5985 ug 0927-380-3633.
Muhatag lang sa saktong impormasyon sa tinud-anay nga gibati sa lawas ug medical history aron dili mamali sa pagtambal. Sa direktiba ni Governor Solon, pwede ma-kontak si Dr. Alejandro sa iyang celfone number nga 09985521794 kung adunay mga numero nga walay nagatubag.
