Nagmabulukon ang usa ka Team Building program, alang sa mga myembro sa Zamboanga del Norte Police Provincial Office (ZNPPO) Press Corps kauban sa mga personahe sa Provincial Community Affairs and Development (PCADU) nga gipahigayon didto Canlucani, Dapitan City, niadtong Dominggo, Mayo 5, 2024.
Ang maong kalihokan ubos sa pagpanguna ni Zamboanga del Norte Police Provincial Office (ZNPPO) OIC PCOL. RAINER P. DIAZ, kauban sa mga pipila ka mga personahe sa mga kapulisan, usa na niini si PCapt. Charlot Pableo kinsa usa sa miabag alang sa maayo ug hapsay nga dagan sa programa, ug kauban ni PCpl. Winnie Lou E. Baltazar, kinsa nanguna sa Opening Prayer sa pagsugod sa programa.
Si PCOL. RAINIER DIAZ, mao ang nanguna sa pambukas nga mensahe kinsa mipadayag sa iyang kalipay ug pasalamat ngadto sa mga membro sa ZNPPO PRESS CORPS nga miduyog ug misalmot sa maong kalihokan.
Sa samang higayon, si ZNPPO Press Corps President Mishel Bala Montederamos, isip MC ug isa usab sa nag-oraganisar sa maong kalihokan ang nidapit ngadto sa mga kauban sa media nga mo-partisipar sa kalingawan nga bahin sa programa.
Gisugdan ang unang bahin sa programa sa usa ka Team Building game diin gi-awhag ang tanang myembro sa pag-apil ug mukasa sa dula, ug diin kini gibahin ngadto sa duha ka habig ang mga partisipante para sa makalingaw nga bahin sa kalihokan nga gilangkuban sa mga dula sama sa, Balloon Popping, Egg catching, T-shirt Relay, Action the word, Balloon relay, Last Man Standing ug Pop the Balloon.
Ang maong mga dula naghatag ug kalingawan ug kahugyaw ngadto sa mga partisipante, pinaagi sa pagtinabangay pagkahi-usa aron mapili nga mudaog sa maong aktibidad.
Sa pipila ka gutlo sa dula, gisundan dayun kini sa usa ka Fellowship, diin ang tanang myembro sa ZNPPO Press Corps kauban ang mga membro sa PCADU, niduyog pinaagi sa pagkanta ug kalingaw sa tagsa-tagsa ka mga myembro, nga usa usab sa importanteng bahin sa kalihokan ang magkahiusa, magkaila, ug makahimamat ang mga dinapit nga myembro sa organisasyon gikan sa lain-laing stasyon sa media.
Diin kini nahimong mahinungdanon ug bililhon ngadto sa tagsa-tagsa ka mga membro nga nipartisipar ug ni-kooperar aron muluntad nga maayo ang dagan sa maong kalihokan ug magmalampuson.
Samtang, si ZNPPO OIC PCOL. RAINIER P. DIAZ, sa iyang katapusang mensahe, nagkanayon nga ang maong Team Building alang sa ZNPPO Press Corps, magpadayon, hangtod pa sunod nga quarter ning tuig. (Medalyn U. Borja)