Gidaghanon Sa Kompirmadong Kaso Sa Covid 19 Sa Sugbo Napun-An Og Pito

0
26

Cebu City- Pito ka bag-ong kaso sa Ā coronavirus disease kun COVID-19 ang natala sa Sugbo kagahapon.

Atol sa press briefing sa Kapitolyo, si Gob. Gwen Garcia miingon nga sa maong gidaghanon, unom sa dakbayan sa Sugbo ug usa sa Lapulapu City.

Matod pa ni Garcia, giluwatan sa Vicente Sotto Memorial Medical Center kun VSMMC subnational laboratory ang resulta sa 99 ka swab samples gahapon sa hapon.

Sa maong ihap, 24 gikan sa Cebu province, 52 sa Cebu City, 13 sa Mandaue City ug 10Ā  sa Lapulapu City.

Walo sa gipang-test ang positibo pero sumala pa ni Garcia, pito ra ang bag-ong kaso tungod kay ang usa subling test man sa daan nang positibo.

Subay niini, miingon si Garcia nga dili angayng mokompyansa kay ang atong kaaway dili makita.

Samtang sa tibuok nasod, hangtod alas 4 gahapon sa hapon, miabot na og 5,223 ang positibo human madugangi og 291 ka bag-ong kaso.

Mikabat na usab og 335 ang gidaghanon sa mga nakalas sa virus tungod sa nadugang nga 20.

Leave a Reply