Mga kaso ng COVID-19 sa hanay ng pulisya umabot na sa 260

Sumampa na sa 260 pulis ang nagpositibo sa coronavirus disease 2019 (COVID-19).

Ayon sa Philippine National Police (PNP), mula sa kabuuang bilang na nabanggit, 84 dito ang nakarekober na habang nanatili naman sa apat ang nasawi.

Naitala rin ng pambansang pulisya ang nasa kabuuang 788 probable cases, habang 574 naman ang suspected patients.

Samantala, sinabi naman ni PNP Chief P/Gen. Archie Francisco Gamboa na hindi na kinakailangang isailalim sa lockdown ang Kampo Krame sa kabila ng patuloy na pagtaas ng kaso ng COVID-19 sa hanay ng pulisya.