Laing kalampusan na usab ang nahimo sa Police Regional Office 7 sa ilang kampanya batok ginadiling drugas ug kriminalidad.
Sa usa ka semana nga operation nikabat sa P18.6 milyon nga balor sa shabu ang ilang nasakmit tibuok Central Visayas.
Sugod kini niadtong Abril 28, 2024 hangtod Mayo 4, 2024.
Aduna kini 153 ka mga buy-bust operation nga nakasakmit og 2,741.90 gramos sa shabu , lakip ang 1.5 gramos sa marijuana, diin 176 ka mga suspetsado ang nadakpan.
323 usab ka mga suspetsado sa illegal gambling ang napusasan na adunay P35,774 nga kwarta ang nasakmit.
Nasayran nga adunay 95 ka mga operation sa mga illegal nga armas diin 99 ka buok ang nasakmit.
Samtang 143 usab ka mga wanted person ang nadakpan diin 16 niini gi konsiderar nga most wanted person sa Central Visayas.
“With the people of Central Visayas fully behind us, our unwavering efforts are making progress this time. Together, let’s create a community that is more secure and resilient for everyone,” matod PBGen. Anthony Aberin, PRO-7, Regional Director.
Nag-awhag si PBGen. Aberin ngadto sa publiko nga makig alayon sa kapulisan kung adunay mga ilegal nga kalihukan sa ilang mga silingan. (Renante Socia Lada)
(Source: PRO-7)