Naluwas didto sa lungsod sa Del Carmen ang laing duha (2) ka mga pawikan kagahapong adlawa.
Sumala pa, ang 2 ka pawikan nga green sea turtle nga aduna’y gitas-on nga 34.75 sentimetros ug gilapdon nga 34.44 sentimetros, ug ang hawksbill nga specie nga aduna’y gitas-on nga 35.05 sentimetros ug gilapdon nga 34.75 sentimetros ang nangatanggong sa mga fish cages ug gibuhian gilayon sa dagat aron sila maprotektahan gumikan kay gikabalak-an na silang mahurot sa kadagatan.
Ang maong entrapment ang gitaho ni SB Member Judito Donoso, ang Chairman sa Committee on Agriculture and Fisheries. Uban sa pagbuhi mao ang Sentro para sa Ikauunlad ng Katutubong Agham at Teknolohiya (SIKAT), Inc. ug ang Municipal Environment and Natural Resources Officer (MENRO) sa lungsod.
Sa kinatibuk-an gikan Enero hangtod karong Hulyo 2020, miabot na sa walo (8) ka mga pawikan ang ilang naluwas ug gibuhian. (Jun Prex Salubre, Ronda 6 RPN DXKS)
Â
