Ikaduha nga disgrasya sa kadalanan nahitabo kuman adlawa lambigit an motorsiklo nga an nagmaneho nakabsan sa kinabuhi. An biktima nga nalubag ug nabali ang wala nga paa ug bitiis nakilay-an na isa ka Michael Jayson Olita Saturos, 24 anyos ulitawo taga Sabang, Surigao City nga nagmaneho sa motorsiklo nga Yamaha Mio nga may temporary plate no. 1501-0158178.
Aksidenting nakasungag sa motorcycle ang isa ka Toyota Fortuner nga may plate no. ZAA 5888 nga gimaniho ni Jose Rolly Basa Gonzaga, 24 anyos,layaki, may live in partner, residente sa Purok 6, Brgy. San Juan, Surigao City.
Ang disgrasya nahitabo sa may Purok 4, Sitio Dacuman, Brgy. Lipata pasado alas 4:35 ang takna kagaina sa hapon, Hulyo 11, 2020.
Sa imbestigasyon ni PSSg. Bryan Sumampong nasayran nga ang driver sa motorsiklo gikan sa Brgy. Ipil pasingod sa syudad agi sa lugsongon sa Lipata samtang ang Fortuner gikan sa Lipata pasingod sa Ipil pero paghidangat sa lugar nga duol na sa kaligoanan sa mga baboy ang aksidenting nakasungag sila. Tagdaya sa Caraga Regional Hospital ang driver sa motorsiklo pero gideklarang dead on arrival. Samtang ang driver sa Toyota Fortuner lakip na ang sakyanan ang jaon sa kustodiya sa Surigao City Police Station. (Mark James Cortes Lisondra, Ronda 21 RPN DXKS)
